كنيسة الراعى الصالح
اهلاً و سهلاً بكم في كنيستكم الصغيرة
نوّرتوا و شرّفتوا
منتدى
انا هو الراعي الصالح
نتمنى ان تكونوا سعداء بوجودكم بيننا
و تكون خدمتكم مثمرة بنشر كلمة الرب يسوع

كنيسة الراعى الصالح

كنيسة الراعى الصالح منتدى مسيحى- عائلى - اجتماعى - ثقافى
 
الرئيسيةالبوابةاليوميةس .و .جبحـثالتسجيلدخول
كل سنة و انتم طيبين بمناسبة صوم الميلاد المجيد
اسرة كنيسه الراعى الصالح ترحب بالاعضاء الجدد و تطلب من رب المجد ان يكونوا سبب بركه لمجد اسمه القدوس.
ندعوكم لنوال بركة اجتماع الصلاه على دردشة الكنيسه يومياً الساعة 8 مساءاً بتوقيت القاهره

شاطر | 
 

 معقولة يفرق بينا الباب

اذهب الى الأسفل 
كاتب الموضوعرسالة
Mero
عضو مميز
عضو مميز
avatar

عدد المساهمات : 221
بركة من المسيح : 405
تاريخ التسجيل : 06/11/2013
العمر : 29

مُساهمةموضوع: معقولة يفرق بينا الباب   الخميس 07 نوفمبر 2013, 2:04 am

معقوله يفرق بينا الباب
ازاى جوايا نكون اغراب
احترت كتير وبدون اسباب
نفسى ارجع من تانى لحضنك

مليت ولحد الصبر ما مل
حنيت ولا عمر حبى ليك قل
ومشيت ياما تحت الضل
رجعنى من تانى لشمسك

صدقنى مكنتش سادد ودانى
بس انا اللى كنت مشغل اغانى
ومشغول جوه لوحدى وبعانى
ومسمعتش على بابى دقك

انا عارف ان تجاربك رساله
وواثق ان خطيتى حاله
ومفيش راحه ويا الفراق تانى استحاله
راح اعمل وياك اتفاق
هتزيح الحجر اللى فى قلبى
زى مازيحت حجر قبرك
نفسى ارجع من تانى لحضنك

مع انك مزهقتش منى
واستحملتنى ياما وانا بغنى
فكرت بذاتى وشهواتى وانت فاهمنى
مليان احلام لكنها وهم بعيد عنك

هزيت المركب وانا فيها
شكيت فى الموجه دى تلاقيها
جايالى عشان اروح بيها
دوامة عندى وانا بكابرك

وفى جوف الحوت
كداب لو قولت ان انا مبسوط
ومهنتش برده عليك ولا سبتنى اموت
قولت لنفسى انه بلعنى علشان اسمعلك صوت
تلات ايام جواه مش عارف انام
وانا حاسس ان انا جارحك
نفسى ارجع من تانى لحضنك

وانا قومت لقيت نفسى ع الشط
وصلنى الحوت لاخر الخط
من طيبه قلبك استغربت
هتعود انا ارضى بحكمك

قررت خلاص عن دون الناس
همشى باخلاص وانا قولت خلاص
راح اقدم توبه واعترف واتناول بكره فى القداس
هفتحلك بابى واعتذرلك عن غيابى
هتكون اول احبابى وهكون صاحبك
نفسى ارجع من تانى لحضنك

انا خدت قرار وانا مش ناسى
فكرنى شيطانى ان انا قاسى
حسيت بالخنقه وبالضيقه من احساسى
اتمادى القلب فى غلطاته ياما فى بعدك
دلوقت خلاص انا اتاخرت على حضنك

مع انك واقف ع الباب عارف نيتى
محفور جوايا لكن مرسوم على قلبى خطيتى
محكوم بالذات والشهوات وانا اللى ساجن روحى فى دنيتى

فسامحنى انا نفسى اجيلك
اعذرنى لو مش بفتح فى انجيلك
ارجوك اكسر بابى وحل قيودى وانا اجيلك

وكأنى بتشرط او بأمر
زى العيل الصغير
ماسك لعبه ومش عايز يسيبها
جوه خطيه وعايش بيها وبيقوله تعالى انت اغلبها
يوم مابيدينى القوه ادوس ع الشهوه
انا اصلا مش بحاربها
وبقوله معلش انا اسف انا خليتها
زى العاده وبكل سعاده انا حبيتها
سامحونى
وسامحنى هيا دى الحقيقه
يارب انا استنيتك من دقيقه
كنت يعنى شبه جاهز للمحاوله
او فى لحظه حسيت انى روح بريئه

فجأه حسيت انى خايف اكتر مـ الاول
اصل الهى بطل يخبط بابى زى الاول
قلت ماكفايه عذاب وليه شال ايده عنى
اصلا مجرد وقوفه ع الباب ده احساس مطمنى
قلت ياه لو ارجع كام دقيقه
لحظه ماكانت روحى بريئه
كان قلبى جايز يتحول
لقيته غير الطريقه
وحوالين اوضتى بيتجول
وكأنه مصمم على هدفه
من كتر تجاربى قلبى عارفه
واقف تحت شباكى
سامع صوتى وانا بصرخ
جاى يشيل اشواكى
عشان اعيش معاه وافرح

فتح الشباك كسر الضلمه
من نور الشمس بقيت اعمى
خليت احساسى فى ودانى
وبقيت مسلم مهما بشوف
غمضت عيون احزانى
وبصوته هرب من قلبى الخوف
قالى انا راعى فى الوادى
وخرج من وسط قطيعى خروف
وخرافى بتسمع صوتى وتعرفنى وانا بعرفها
وفى بعدها عنى بتشتاقلى روحك فـ احضانى دى مكانها

والفرحه هتسكن تانى قلبك
احزانك دى مهاجره ملامحك
ووقفت كتير انا على بابك وبستناك
ففتحت الباب قالى انا هدخل
وزى ماوعدتك هتعشى معاك
---------------------------------------------
هنذا واقف علي الباب أقرع أن سمع أحد صوتي
وفتح الباب أدخل إليه وأتعشى معه وهو معي
الرجوع الى أعلى الصفحة اذهب الى الأسفل
joulia
مديرة عام المنتدى
مديرة عام المنتدى
avatar

عدد المساهمات : 1517
بركة من المسيح : 2602
تاريخ التسجيل : 05/11/2013

مُساهمةموضوع: رد: معقولة يفرق بينا الباب   الخميس 07 نوفمبر 2013, 3:48 pm



انا عارف ان تجاربك رساله

وواثق ان خطيتى حاله

ومفيش راحه ويا الفراق تانى استحاله

راح اعمل وياك اتفاق

هتزيح الحجر اللى فى قلبى

زى مازيحت حجر قبرك

نفسى ارجع من تانى لحضنك




يا  رب  ساعدنا  و  ارسل  معونتك

لنستطيع  ازالة  حجر  العثرة  الذي  يحجب  عنا  

رؤية  بهاء  وجهك  الالهي





اشكرك  اختي  ميرو  على  كلماتك  الرائعة
ليهبك  الرب  ان  تتمتعي بالفرح  الحقيقي   بين  احضانه  المقدسة





_________________
الرجوع الى أعلى الصفحة اذهب الى الأسفل
Mero
عضو مميز
عضو مميز
avatar

عدد المساهمات : 221
بركة من المسيح : 405
تاريخ التسجيل : 06/11/2013
العمر : 29

مُساهمةموضوع: رد: معقولة يفرق بينا الباب   الخميس 07 نوفمبر 2013, 5:18 pm

ميرسي يااخت جولي بس بجد فعلا الواحد محتاج لحضن يسوع وانة يكون جنبة دايما لاني استطيع كل شيء في المسيح الذي يقويني
الرجوع الى أعلى الصفحة اذهب الى الأسفل
بنت البطل
مراقبه عامه للمنتدى
مراقبه عامه للمنتدى
avatar

عدد المساهمات : 1086
بركة من المسيح : 2081
تاريخ التسجيل : 05/11/2013

مُساهمةموضوع: رد: معقولة يفرق بينا الباب   الجمعة 08 نوفمبر 2013, 9:57 pm

وسامحنى هيا دى الحقيقه
يارب انا استنيتك من دقيقه
كنت يعنى شبه جاهز للمحاوله
او فى لحظه حسيت انى روح بريئه 


الله على الكلمات الجميله العميقه 
الرب يبارك حياتك 
ياابنتى ويحفظك 
مى 

_________________
الرجوع الى أعلى الصفحة اذهب الى الأسفل
kamel
مراقب القسم الثقافى
مراقب القسم الثقافى
avatar

عدد المساهمات : 407
بركة من المسيح : 569
تاريخ التسجيل : 23/11/2013

مُساهمةموضوع: رد: معقولة يفرق بينا الباب   الأحد 22 ديسمبر 2013, 5:53 pm

الله الله
كلمات راااااااااااااااااائعة جداااااااااااااا
ومعزية

ننتظر المذيد...............

والرب معكم

_________________
الرجوع الى أعلى الصفحة اذهب الى الأسفل
 
معقولة يفرق بينا الباب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كنيسة الراعى الصالح :: صالون الثقافة و الادب (مراقب القسم استاذ Kamel) :: القسم الشعرى-
انتقل الى: